शैक्षणिक ब्लॉग कसा तयार कराल / How To Make An Educational Blog Site

नमस्कार, 

मित्रांनो आपणास माहिती आहे कि इंटरनेटवर आपण आपली मते, लेख, फोटो प्रसिद्ध करण्यासाठी ब्लॉग लिहू शकतो. अनेक वेबसाईटवर मराठीत मोफत ब्लॉग प्रसिद्ध करण्याची सोय करण्यात आली आहे. मी दिनांक १३ सप्टेबर २०१३ रोजी असाच एक ब्लॉग तयार केला पण मी माझ्या ब्लोगचा विषय शैक्षणिक ठेवला होता शिक्षण क्षेत्रात अनेक वेबसाईट होत्या पण ब्लॉग चा शैक्षणिक वापर यापूर्वी माझ्यातरी पाहण्यात नव्हता मी ब्लॉग तयार केल्यानंतर मात्र बरेच शैक्षणिक ब्लॉग तयार होऊ लागले. ब्लॉग तयार करणे हि फार अवघड गोष्ट नाही शिवाय खर्चिक देखील नाही आपण आपला ब्लॉग अगदी फुकटात सुरु करू शकतो. तरीही बर्याच शिक्षक मित्रांना याबद्दल अडचणी येत आहेत. इंटरनेट वर ब्लॉग कसा तयार करावा याचीही माहिती भरपूर प्रमाणात उपलब्ध आहे. तरीही माझ्या ब्लोगवर whats up वर अनेक मित्रांनी ब्लॉग कसा तयार करावा याविषयी मार्गदर्शन करा म्हणून विचारणा केली आहे. अनेक मित्रांनी फोन करून ब्लॉग तयार करण्याविषयी लेख लिहा म्हणून आग्रह केला आहे त्या मित्रांसाठी खास हा लेख....

मित्रांनो ब्लॉगर डॉट कॉम (www.blogger.com) या गुगलच्या वेबसाईटवर आपल्याला आपला जीमेलचा युजरनेम, पासवर्ड वापरून स्वतःची ब्लॉग वेबसाईट सुरू करता येते. आज आपण त्याबद्दल माहिती घेणार आहोत.

शैक्षिणिक ब्लॉगसाईटचा विषय ठरवणे

आपण ब्लॉग साईट सुरु करणार असाल तर प्रथम त्याचा हेतू आणि ब्लोगचा विषय ठरवून घ्या. आपण वयक्तिक ब्लॉग साईट सुरु करणार असाल तर त्यामध्ये तुम्ही कोणत्या विषयाला धरून लेखन करणार आहात हे अगोदर निशित करा. म्हणजे तुम्हाला तुमच्या ब्लॉग चे नाव ठरवणे सोपे जाईल. शैक्षणिक ब्लॉग साठी तुम्ही तुमच्या शाळेच्या नावाने, केंद्राच्या नावाने, किंवा पंचायत समितीच्या नावानेही ब्लॉग तयार करता येईल. तुम्ही तुम्हाला हवे ते नाव निवडू व वापरू शकता. 

शैक्षिणिक ब्लॉगसाईट सुरू करणे
1) प्रथम ब्राउजरमध्ये http://www.blogger.com/ ही वेबसाईट उघडावी. 

2) ब्लॉगर वेबसाईटच्या नावाच्या खाली खाली डाव्या बाजूला ब्लॉग सुरू करण्यासाठी काय करावे याची लिंक लिंक दिलेली आहे 

३) उजव्या बाजूला गुगल मेल अकौंटचा बॉक्स आहे 

४) आपला जीमेलचा युजरनेम व पासवर्ड येथे वापर. 

५) साईन इन बटन दाबा 

६) आता एक नवीन वेबपेज उघडेल 

७) ब्लॉगवर आपले नाव कसे असावे ते लिहा. 

८) ब्लॉगर साईटवरच्या ब्लॉग तयार करण्यासाठी च्या  अटी व नियम वाचून त्याला मान्यता द्या. 

९) Create a Blog वर क्लिक करा.

१०) आता एक नवीन वेबपेज उघडेल
११) आता या पेज वर ब्लॉगसाठी द्यावयाचे नाव (शीर्षक) नाव लिहा 

१२) त्याखाली आपल्या ब्लॉगसाठी हव्या लिंकचे नाव लिहा (यासाठी आपणास जे नाव हवे आहे ते उपलब्ध आहे कि नाही हे चेक केले जाईल जर ते नाव उपलब्ध असेल तर ते आपणास मिळेल ते नाव यापूर्वी दुसर्‍या कोणी घेतले असेल तर आपणास वेगळे नाव निवडावे लागल.) 

१३) यानंतर दिलेल्या ब्लॉगच्या  नमुन्यांमधून (Template) आपल्या पसंतीचा नमुना (Template) निवडा.
१४) create blog या बटनावर क्लिक करा.
         झाला आपला ब्लॉग तयार... आपण निवडलेले नाव आणि ब्लॉग नमुना (Template ) नंतर बदलू शकतो.

ब्लॉग कसा लिहावा हा लेख जरूर वाचा 
http://meanandyatri.blogspot.in/2014/11/blog-post_30.html